UPDATE OF KATIPUNAN NG KABATAAN PROFILES ♂️♀️

Sa ika-28 ng Enero 2024, ganap na 8:00 ng umaga, magsisimula ang Sangguniang Kabataan ng Tibig sa pag-iikot sa iba’t ibang lugar ng barangay para sa KK Profiling o pagtatala ng mga kabataang kwalipikadong mapabilang sa Katipunan ng Kabataan.

Ayon sa Republic Act No. 10742, ang Katipunan ng Kabataan ay binubuo ng mga Pilipinong 15 hanggang 30 taong gulang na lehitimong naninirahan sa barangay at rehistrado sa COMELEC o nasa rekord ng Kalihim ng SK.

Mahalaga ang KK Profiling upang magkaroon ang SK ng maayos at updated na talaan ng mga kabataan na maaaring maging benepisyaryo ng mga programa at proyekto ng Sangguniang Kabataan.

Mayroon ding Google Form para sa profiling. Gayunpaman, upang matiyak ang maayos at kumpletong rekord, isasagawa ang pagsagot dito kasabay ng pag-iikot ng SK sa inyong lugar.

Abangan at hintayin ang Sangguniang Kabataan ng Tibig sa inyong lugar, mga kabataang Tibigeño! ❤️

#sangguniangkabataanngtibig2325
#katipunangkabataan2024