Recent Posts
Ano nga ba ang TIBIGNEWS
Ito ay ang opisyal na mobile application ng Sangguniang Kabataan ng Tibig sa ilalim ng Ordinansang Pambarangay 010-2026 sa pamamahala ng Sangguniang Barangay ng Tibig 2023-2026.
Layon ng mobile application na ito na ipakita ang mga kaganapan, proyekto, at anunsyo ng Sangguniang Kabataan, pati ang paglalaan at paggamit ng pondo sa kada proyekto at listahan ng mga kwalipikadong miyembro ng Katipunan ng Kabataan sa Barangay Tibig.
Para sa mas progresibo at transparent na pamamahala!
BISYON
Isang makabago, inklusibo, at transparent na pamamahala ng kabataan sa Barangay Tibig kung saan ang bawat miyembro ng Katipunan ng Kabataan ay may sapat na kaalaman, aktibong pakikilahok, at tiwala sa mga programa, proyekto, at paggamit ng pondo ng Sangguniang Kabataan sa pamamagitan ng makabagong teknolohiya.
MISYON
Ihatid sa kabataan ng Barangay Tibig ang napapanahon, malinaw, at tumpak na impormasyon hinggil sa mga kaganapan, proyekto, anunsyo, at paglalaan at paggamit ng pondo ng Sangguniang Kabataan sa pamamagitan ng isang opisyal na mobile application na nagsusulong ng pananagutan, partisipasyon, at mabuting pamamahala, bilang katuwang ng Sangguniang Barangay sa pagtataguyod ng progresibo at transparent na pamahalaan.
Ang opisyal na mobile application ng Sangguniang Kabataan ng Tibig ay nakaangkla sa Sustainable Development Goals (SDGs) at naglalayong isulong ang transparency, pananagutan, at partisipasyon ng kabataan sa pamamagitan ng bukas na akses sa impormasyon at makabagong teknolohiya.